Pamje të rënda, shqiptari ekzekutohet në mes të rrugës nga policia në SHBA

Një krim i rëndë është shënuar dje në SHBA, ku një shqiptar është ekzekutuar nga policia. Luan Agolli, 42 vjeç, shihet në këtë video teksa lëviz në rrugë i armatosur, në zonën e Paterson të New Jersey.

Raportohet se policët iu përgjigjën një thirrje se një burrë po lëvizte me armë në bllokun e rrugës Carrol. Kur mbërritën policët, panë shqiptarin që po shëtiste në kryqëzimin e rrugëve Carroll dhe Harrison.

42-vjeçari i injoroi thirrjet e policisë dhe me armën në dorë vazhdonte shëtitjen. Ai u drejtoi disa herë armën policëve, të cilët më vonë e qëlluan dhe e ekzekutuan në vend.

Nuk dihet ende arsyeja pse shqiptari e ngriti armën ndaj policëve. Në videon e filmuar dëgjohen policët që i thërrasin shqiparit të ulë armën poshtë, por ai nuk e ka bërë këtë veprim.