Pamje të rënda/ Aksident në autostradën Tiranë-Durrës, plagosen nëna dhe i biri (VIDEO)

Ditën e sotme një aksident i rëndë ka ndodhur në autostradën Tiranë-Durrës.

Sipas informacioneve dy automjete janë përplasur me njëri-tjetrin dhe për pasojë janë plagosur nënë e bir, Hamide dhe Shpëtim Sipri, 59 dhe 33 vjeç.

Nga përplasja e fortë ata kanë mbetur të plagosur rëndë dhe janë dërguar në spitalin e Traumës dhe janë në gjendje kritike për jetën.

Shkak dyshohet të jetë bërë shpejtësia me të cilën dy mjetet “Benz” dhe “Volvo” po udhëtonin.

Policia ka mbërritur në vendin e ngjarjes dhe po heton për zbardhjen e plotë të shkaqeve dhe rrethanave të aksidentit automobilistik.