Kryeministri Rama me anë të një postimi në rrjetin social “Facebook” shkruan se në lidhje me masat e reja shtrënguese në lidhje me frenimin e përhapjes së koronavirusit po përgatitet për t’i dërguar në parlament.
Sipas Kreut të Qeverisë do të bëhen ndryshime në kodin penal dhe rrugor në mënyrë që të mbrohen qytetarët nga njerëz të pabindur.
Gjithashtu Edi Rama bën me dije se do të ketë edhe disa masa lehtësuese në ditët në vazhdim, por do të ndërmerren në përputhje me sigurinë e shëndetit të çdo qytetari.
Rama deklaron se brenda 15 prillit do të kemi paketën e zgjeruar financiare dhe gatishmërinë për miratimin e masave lehtësuese në qeveri, si edhe të masave të reja penale në kuvendin e Shqipërisë.
