“Numri i viktimave nga koronavirusi në Shqipëri është më i madh nga ai që raportohet”/ Taulant Muka zbulon detajet e forta: Shumë të moshuar në rrethe që vdesin pa …

Sipas Mukës, shifrat që jep qeveria nuk janë të besueshme.

“Nga njëra anë qeveria thotë që po ia dalim, nga ana tjetër po ndryshojnë Kodin Penal për ata që shkelin rregullat. Këto nuk shkojnë dhe tregojnë qartë që realiteti është ndryshe nga ai që flitet. Qeveria ka menduar vetëm izolimin për të ndaluar infeksionin. Po vazhduam me këtë strategji do të rritet obeziteti, konsumi i alkoolit duke çuar në probleme të tjera shëndetësore, pa përmenduar probleme të shëndetit mendor. Gjithashtu, do të rritet papunësia te të rinjtë”, deklaroi mjeku epidemiolog.

Muka bën me dije se një vend i vogël si i yni, mund të dalë nga kjo situatë “duke rritur testimet dhe kapacitetet gjurmuese”.

“Nuk kemi popullsinë e Italisë apo Gjermanisë që e kanë të vështirë ta bëjnë këtë”, theksoi Muka.