Tetëmbëdhjetë emigrantë të kthyer nga Greqia nuk kanë mundësi të paguajnë karantinën në një hotel të Kakavijës. Pronari ankohet se ata kanë paguar vetëm 2 ditët e para dhe kërcënon t’i nxjerrë nga hoteli nëse nuk do të shlyhet në ditët vijim.
BalkanWeb raportoi se 18 emigrantët, të detyruar nga qeveria për t’u vënë në karantinë, nuk kanë para dhe kanë pasur përplasje me pronarin e hotelit.
Pronari nga ana tjetër ka vendosur t’i nxjerrë jashtë por ka qenë Policia që e ka detyruar t’i mbajë ende në hotel.
Aktualisht thyerja e karantinës dënohet me gjobë 700 mijë lekë, ndërsa qeveria ka propozuar ashpërsimin e masës në kod penal duke e dënuar deri me burg në 3 vjet.
