“Nuk ka mjek, jemi shumë veta”/ Pamje të kushteve të vështira të refugjateve në kampin e Babrrusë“

Në redaksinë e Fax News kanë mbërritur disa video që tregojnë jetesën në kushte të vështira të emigrantëve në kampin e refugjatëve të Babrru. Jashtë kamerës, refugjatët shprehen se kushtet në të cilat jetojnë nuk janë aspak normale, ndërsa vuajnë për shërbimet më minimale.

Ata deklarojnë se nuk kanë mjek dhe qëndrojnë në një dhomë me një numër të konsiderueshëm personash. Nuk ka ujë të ngrohtë dhe kjo e bënë më alarmante situatën në këtë periudhë të vështirë pandemie.

Fax News tentoi të komunikoj me drektues të këtij kampi, por askush nuk u përgjigj, ndërsa kamera nuk u lejua të filmonte në brendësi të oborrit. Gjithsesi, pamjet e dërguara nga refugjatët nuk kanë nevojë për koment dhe paraqesin një situatë aspak normale të jetesës së tyre.

Pjesa më e madhe e tyre që lëvizin në dalje të kampit refuzojnë të flasin për mediat pasi janë kërcënuar nga drejtuesit për përjashtim, nëse pamjet e kushteve skandaloze do të transmetohen në media.
Sirianët për të ardhur në Shqipëri, e cila shërben si vend kalimi tranzit paguajnë shuma të mëdha parash, ndërsa si destinacion final kanë vendet e Bashkimit Evropian./Faxweb