Nuk ka fund zvarritja/ Apeli shtyn sërish gjyqin ndaj Sajmir Tahirit, ja arsyeja

Ish-ministri i Brendshëm Sajmir Tahiri u dënua me 3 vite e katër muaj shërbim prove, 8 muaj më parë nga Krimet e Rënda.

Mbi të rëndoi akuza e shpërdorimit të detyrës, por Tahiri nuk e la me kaq duke e apeluar vendimin.

Ndërkohë mësohet se seanca në Gjykatën e Apelit që është zhvilluar ditën e sotme është shtyrë sërish.

Mësohet se gjyqi është shtyrë për në datën 13 maj ora 10.00.

Sipas gjykatës arsyeja e këtij vendimi është se për shkak të aktit normativ kjo nuk është çështje e ngutshme.

Në seancë nuk ishte i pranishëm Tahiri, por përfaqësohej nga avokati i tij Maks Haxhia.