Ministrja e Infrastrukturës dhe Energjisë, Belinda Balluku në një lidhje direkte me emisionin “Open” tha se ka një numër të madh personash që duan të riatdhesohen.
Deklarata:
“Ka një numër të madh personash që duan të riatdhesohen. Procesi ka vështirësi përsa iu përket hoteleve, kërkojmë mirëkuptim. Jemi përgatitur për të kthyer rreth 2000 persona brenda javës.
Totali i ambasadave është rreth 3000 persona që kanë aplikuar. Besoj se riatdhesimi nuk do të mbyllet me valën e dytë, pasi do ketë raste. Po i publikojmë fluturimet javë pas jave pasi nuk duam të kemi kaos. Jemi duke ekzaminuar 3 destinacione të reja, Vjenë, Bruksel dhe Amsterdam. Air Albania është zgjedhur pasi është kompania flamur-mbajtëse.”
