LIGJET E BIZNESIT
Partia Demokratike ka zbuluar një gënjeshtër sipas të kryeministrit Rama në lidhje me menaxhimin e situatës së prodhuar nga koronavirusi.
Përmes sekretarit të saj të Përgjithshëm, “selia blu” trajton rastin e pagave të punonjësve, për të cilat kryeministri tha se asnjë punonjës nuk do mbetet pa pagën e tij.
Por sipas Bardhit, është data 4 prill dhe tashmë u provoa që kjo është gënjeshtra e radhës nga kreu i qeverisë.
Postimi i plotë i Gazment Bardhit:
Më 17 mars Edi Rama u premtoi shqiptarëve se “NUK DO TË VIJË FUNDI I MUAJIT PA PAGËN E GJITHKUJT NDËR JU QË QËNDRON NË SHTËPI SI PASOJË E MBYLLJES SË BIZNESIT KU PUNON!”.
E vërteta është se Edi Rama i ka gënjyer dhe braktisur qytetarët. Ai kapet çdo ditë në flagrancë duke gënjyer shqiptarët.
- Premtoi se gjithkush do të kenë pagesën në fund të muajit mars për bizneset e mbyllura, por marsi kaloi dhe ai nuk dha asnjë qindarkë.
- Premtoi se askush nuk do të mbetet pa ndihmë financiare, por la jashtë paketes së ndihmës mijëra biznese dhe qindra mijë kryefamiljarë dhe qytetarë në nevojë.
- Premtoi ndihmë me ushqime e ilaçe për të gjitha familjet në nevojë dhe pensionistët, por ka braktisur mijëra famije e pensionistë, që janë në kufinjtë e mbijetesës.
Ekonomia e familjeve të papuna dhe ekonomia e vendit nuk mbahet në këmbë me mashtrime dhe propagandë. Shqiptarët meritojnë një paketë reale të ndihmës financiare, që nuk përjashton askënd.
