Mjeku tashmë është kthyer për të gjithë botën në një figurë heroike dhe shembull sakrifice në këto ditë të vështira.
Ata kanë hequr dorë nga koha pranë familjes për t’iu përkushtuar pacientëve dhe shëndetit të tyre.
Së fundmi shefja e Shërbimit të Sëmundjeve Infektive Najada Çomo ka publikuar një fotografi prekëse të dr.Nevila Gjermenit e cila prej një muaji nuk takon fëmijët, bashkëshortin dhe familjen e saj.
“Dr. Nevila Gjermeni duke punuar me shume perkushtim… ka 5 jave pa takuar femijet e saj! Nevila, mirenjohje per punen dhe perkushtimin cilesor. Do ta fitojme betejen”, thekson Çomo.
Ndërsa vetë dr.Nevila ka publikuar foton ku fëmijët dhe familja e përshëndesin nga ballkoni ku shkruan se dje më 9 prill është bërë një muaj nga dita që ajo nuk i ka takuar dhe nuk e di për sa kohë mund të vazhdojë kjo gjë.
“Të jesh nënë e mjeke , për më tepër infektologe në kohën e SARS Cov2… sot një muaj pa ju dhe s’di se sa kohë në vazhdim”, shkruan doktoreshë Nevila, teksa nxjerr foton e mëposhtme.
