Edhe kjo fundjavë, duke filluar nga mesdita e sotme do të jetë izolim total për të gjithë Shqipërinë. Pas orës 13:00 nuk do të lejohet asnjë lloj qarkullimi përveç punonjësve të policisë, ambulancat dhe stafet mjekësore që do vijojnë punën si normalisht.
Por kjo pritet të jetë fundjava e fundit më masa kaq të forta shtërnguese për qarkullim, pasi nga data 13 prill pritet të ketë një lehtësim të rregullave.
Kryeministri Edi Rama në një postim në Facebook shkruajti dje se lejet për pazare do të zgjaten gjithashtu në 90 minuta prej të hënës.
POSTIMI I PLOTE:
NESËR ËSHTË DITA E FUNDIT ME FASHËN ORARE DERI NË 13.00
NGA NESËR NË 13.00 DERI TË HËNËN NË 05.00 GJITHÇKA DO TË JETË E MBYLLUR DHE TË GJITHË NË SHTËPI
NGA E HËNA, FASHA ORARE DO TË ZGJATET DERI 17.30 DHE AUTORIZIMET PËR LEJE-DALJE PËR PAZAR DO TË JENË 90 MINUTA
Pak nga pak dhe me durim, do të dalim me kokën lart nga kjo luftë
