Nënkryetari i Kuvendit kundër përgjysmimit të pagave/ Murrizi: Paratë më takojnë mua, e di unë kë ndihmoj

Nënkryetari i Kuvendit Myslym Murrizi, është shprehur kundër vendimit për përgjysmimin e pagave të deputetëve për një periudhë 3 mujore në kuadrin e masave për të lehtësuar përballimin e situatës së shkaktuar nga koronavirusi.

Ai thotë se me paratë e tij e di vetë se kë ndihmon, dhe se ka miq e të afërm që në këto kohë janë në nevojë për bukë.

Për të, pallavrat se shpëtohen Shqiptarët me gjysëm page të deputetëve janë gjellë bajate.

Murrizi: Nuk jam fare dakort për pagën se nuk jemi të gjithë përfitues tenderash dhe jo të gjithe i kemi të gjithë pjestarët e familjeve drejtora në çdo cep të administratës ku ka për të vjedhur e rroga të majme.

Me parat që më takojnë mua e di unë se kë duhet të ndihmoj se nuk jam soj sez pa njerëz, të afërm, miq e shokë që në këtë kohë kanë nevojë për bukë.

Pallavrat se shpëtohen Shqiptarët me gjysëm page të deputetëve janë gjellë bajate për mua.

122 deputet dhe 5 ministra jo deputet nga 400 euro gjysma e pagës bëjnë gjithsej 50 mij3 euro. Pse kjo e zgjidh këtë situatë???? A ka mundësi të mos na hapni barkun me nisma revolucionare?