Nënat me fëmijë mund të dalin sot shëtitje, por kini kujdes të respektoni këto rregulla

Pas pensionistëve, kryeminstri Rama sot është treguar zemërgjerë dhe bujar me nënat. Me një vendim të publikuar në facebook, Rama tha dje, se nga shtëpia mëngjesin e kësaj të diele do mund të dalin nënat me një fëmijë që është më i vogël se 10 vjeç.

Kryeministri mori këtë vendim, pasi në gjykimin e tij kjo është kategoria e qytetarëve të cilat pas pensionistëve, po e vuajnë më shumë karantinimin.

Por të gjitha ato nëna duhet të kenë kujdes, pasi mund të dalin vetëm me një fëmijë dhe mos të takohen me shoqe të tyre, por të vazhdojnë shëtitjen dje pensionistët, të bandura dhe heshtura.

Përveçse duhet të kthehen në shtëpi para orës 11 që mos t’i kapë shtetrrethimi rrugëve, këto nëna duhet të jenë të paijsura vetë dhe fëmijët e tyre me maska dhe doreza për të krijuar kështu pamjen imagjinuar nga kreu i qeverisë.

Ashtu si edhe dje edhe sot në këto orë të para të mëngjesit bashkë me gratë që do të dalin shëtitje me të vegjlit e tyre, pritet të dalë edhe një “ushtri” e madhe me kameramanë, fotografë dhe ekspertë të figurës, që do kujdesen të mbledhin pamjet më piktorreske, të cilat më pas do të publikohen në facebook-un e kryeministrit.

Nga ky i fundit tashmë mbetet të pritet se kur do e bëjë zemrën gur edhe për baballarët, apo ata burra që i kanë kaluar 40 ditë brenda 4 mureve.