Në Vlorë askush nuk e nxjerr këmbën nga dera, por jo për shkak të koronavirusit

Situatës së koronavirusit, ku e gjithë Shqipëria tashmë është në izolim dhe qytetarët kanë mundësi të lëvizin vetëm me orare të kufizuara, i është shtuar edhe moti i keq.

Prej orësh tashmë reshjet e shiut janë të dendura, duke bërë që edhe në Vlorë qytetarët të mbyllen brenda e të mos kenë mundësi për të dalë.

Rrugët janë bosh edhe pa njerëz, e njëjta pamje prej ditësh kjo, që është kthyer në një peisazh të zakonshëm, ku muaj më parë askush nuk e imagjinonte që do të ndodhtë një gjë e tillë.

Në rrugë mund të qarkullojë edhe ndonjë automjet, i pajisur me lejen përkatëse.

Ende nuk dihet për sa kohë do të vazhdojë kjo gjendje, por mund të thuhet se të gjithë shqiptarët apo shumica e tyre i kanë respektuar maksimalisht rregullat e izolimit, ku prej pothuajse një muaji gjenden në banesat e tyre, dhe kanë lëvizur për të kryer pazaret e nevojshme apo ndonjë blerje urgjente në farmaci.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Nga ana tjetër kryeministri Edi Rama ka bërë pothuajse përditë thirrje që qytetarët të qëndrojnë nëpër banesat e tyre, mënyra më e mirë kjo për të frenuar përhapjen e koronavirusit, i cili është kthyer tashmë në kërcënim për mbarë botën.