“Në asnjë vend të botës nuk ka kufizime si në Shqipëri” Ish-ministri shpreh shqetësimin e madh

Ish-ministri i Shëndetësisë dhe njëkohësisht nënkryetari aktual i Lëvizjes Socialiste për Integrim Petrit Vasili ka komentuar situatën pas shpërthimit të koronavirusit në Shqipëri dhe menaxhimin që ka bërë qeveria.

Ndër të tjera Vasili ka shtuar se qeveria u gjet e papërgatitur nga COVID19dhe në vend që në vijën e parë të ishte mjeku i familjes, rolin kryesor e mori 127.

Gjithashtu ish-ministri shpreh shqetësimin se asnjë vend i botës nuk e ka bërë më parë këtë lloj kufizim lëvizjesh si në Shqipëri.

“Kemi rreth 100 herë më pak nga ajo që kryeministri  u servir qytetarëve shqiptarë. U kundërshtua përdorimi i maskave, në 18 mars, vetë kryeministri tha që maskat janë të padobishme. OBSH e rekomandon përdorimin e maskave. Ndërsa në vijën e parë duhet të ishte mjeku i familjes dhe jo studentët.

Në një kohë që epidemia po trokiste në derë, qeveria ishte e papërgatitur.

Sot nuk ka asnjë bilanc sa teste erdhën, sa maska u vunë në dispozicion dhe të gjitha këto mbulohen me nuk ka rëndësi.

Sa i përket kufizimit të lëvizjeve, të gjitha kanë qenë spontane dhe të pallogaritura. Sot ka një rregull të ri.Çdo lloj mase shtrëngimi lidhet saktësisht me një rrezik të shtuar gjithmonë të karakterit profesional dhe shkencor. Asnjë vend i botës nuk ka bërë këtë lloj kufizimi lëvizjesh”, tha Vasili.