LIGJET E BIZNESIT
Ditën e sotme Policia e Tiranës ka vënë në pranga një 42-vjeçar, i cili ishte liruar nga burgu për shkak të situatës së krijuar me COVID19.
Bëhet fjalë për shtetasin R.M i cili sipas rregullave duhet të qëndronte në banesë por është kapur në zonën e Kinostudios duke bërë shëtitje.
Fillimisht ai ka thënë se ishte pajisur me lejen përkatëse, por kur policët bënë verifikimet rezultoi se duhet të ishte në banesë, pasi Akti Normativ parashikonte daljen nga qelia dhe qëndrimin në banesë si formë arresti shtëpiak.
Tani më 42-vjeçari do përballet me akuzën e “Largimi i të burgosurit nga vendi i qëndrimit”.
“Specialistët për Hetimin e Krimit në Komisariatin e Policisë Nr. 4 arrestuan në flagrancë, për veprën penale “Largimi i të burgosurit nga vendi i qëndrimit”, shtetasin R. M., 42 vjeç, i cili kishte përfituar leje për qëndrim të përkohshëm në shtëpi, në bazë të Aktit Normativ Nr. 7, datë 23.03.2020, por është kapur në flagrancë nga shërbimet e Policisë, jashtë banesës së tij”, – bën me dije policia në njoftimin zyrtar.
