“Mua më ka sjellë gjaku i të parëve” Kuvendi nis me debate. Gjuzi përplaset me Gramoz Ruçin: Po ti pse mërzitesh?

Edhe ditën e sotme seanca në Kuvend  ka nisur me debate të forta.

Bëhet fjalë për një përplasje mes deputetit të opozitës së re Kujtim Gjuzi, i cili ka replikuar me kryetarin e Kuvendit Gramoz Ruçi, pasi deputeti ka akuzuar administratën e Kuvendit se nuk e nxjerr procesverbalin t’jua shpërndajë deputetëve me kërkesën e kreut të Kuvendit.

Më pas Ruçi ka tentuar të ndërhyjë dhe të sqarojë punën e procesverbalit por Gjuzi e ka ndërprerë duke i thënë “Pse mërzitesh? Rri aty se je për mrekulli.

Nga ana tjetër Gjuzi i ka kthyer përgjigje Ruçit edhe për fjalët që Kryetari i Kuvendit i tha në seancën e kaluar.

Ruçi i tha Gjuzit se duhet t’i ishte falenderues Lulzim Bashës që e ka zgjedhur deputet, ndërsa Gjuzi këtë herë i ka thënë se në Kuvend nuk e ka sjellë Basha, por gjaku i të parëve dhe Partia Kombëtare Konservatore.

“Prit pse mërzitesh, je mrekulli aty.
Administrata e Kuvendit nuk e nxjerr procesverbalin se ka urdhër nga kryetari i Kuvendit.

Mua më duhet procesverbali që të sqaroj replikën që bëre me mua javën e kaluar se këtu më ka sjellë Lulzim Basha.  Këtu nuk më ka sjellë Lulzim Basha, më ka sjellë gjaku i të parëve, Partia Kombëtare Konservatore.
Herë tjetër nuk dua që gjatë kohës që unë diskutoj të më ndërhysh si herën tjetër.
Sot përsëri nga 1 javë ka opozita nga grupet jashtë parlamentare.”,ka deklaruar Gjuzi gjatë fjalës së tij.