LIGJET E BIZNESIT
Kryeministri Edi Rama ka bërë me dije një tjetër njoftim të fortë në lidhje me bizneset dhe familjarët që kanë ngelur pa punë prej situatës së krijuar nga koronavirusi.
Ai është shprehur se do të ndalohet pagesa e qerave për bizneset e vogla dhe familjarët e regjistruar në punë që kanë ndalur punën për shkak të luftës!
“Me aktin normativ për masat e veçanta do të ndalohen pagesat e qerave nga ana e bizneseve të vogla dhe familjarëve të regjistruar në punë, që kanë ndaluar punën për shkak të luftës!
Kush ka humbur punën në të zezë dhe ka këtë hall, mund të përfitojë nga kjo masë vetëm duke denoncuar punëdhënësin! Qeradhënësit do të ndalohen t’u kërkojnë pagesën mujore këtyre subjekteve ose do të penalizohen me gjobë sa pesëfishi i vlerës së qerasë përkatëse!
Për çdo rast presioni nga qeradhënësit, subjektet qeramarrës të dy kategorive të mësipërme, të drejtohen në faqen online të drejtorisë së përgjithshme të tatimeve!
Kjo luftë kërkon medoemos që kushdo ka një mundësi më shumë, të solidarizohet me fakte jo me fjalë, për këdo që s’ka asnjë mundësi të mbijetojë pa solidaritet”, bën me dije Rama në një njoftim të fundit.
