Gazetari dhe moderatori Artur Zheji ka lexuar live në emisionin e tij një mesazh të dërguar nga një person i cili i shkruante se kryeministri Rama dhe të gjithë ministrat e kanë bërë testin për COVID-19 në një spital privat.
Më tej në mesazhin që personi i dërgoi moderatorit të emisionit “360 Gradë” u tha se ky spital privat kishte në gjendje 40 mijë tamponë, por nuk lejohet nga qeveria që të kryejë dhe ai teste.
Fjala e Zhejit:
Zheji: Kam një informacion. Më thotë një zotëri që te një spital privat, gjenden rreth 40 mijë tamponë. Të gjithë ministrat, përfshirë edhe Ramën e kanë bërë testin individualisht, por nuk e lejojnë këtë spital që të bëjë testet, sepse mësohet numri real i personave që janë të infektuar. Madje, tenderi i tamponave, qeveria i ka shpallur sekret shtetëror.
