Përmes një postimi në rrjetet sociale, Ministrja e Shëndetësisë dhe Mbrojtjes Sociale, Ogerta Manastirliu, ka ndarë lajmin e mirë se edhe 3 infermiere janë shëruar nga Covid-19, pas testit konfirmues.
Sipas Manastirliut, pjesa më e madhe e mjekëve dhe infermierëve tashmë janë të rikuperuar plotësisht nga Covid-19, duke e çuar në 50, numrin e personelit shëndetësor që ka arritur ta mposhtë virusin e rrezikshëm
“Edhe 3 infermiere në Shkodër dhe Kukës janë shëruar nga Covid-19, mes 7 të shëruarve të 24 orëve të fundit. Janë 50 personel shëndetësor të shëruar nga Covid-19. Deri tani janë 410 pacientë dhe staf mjekësor që e kanë fituar betejën me Covid-19”, shkruan Manastirliu.
Vlen të thekson se ditët e fundit, shqetësues është bërë qyteti i Shkodrës, ku është vërejtur një numër i lartë personel shëndetësor i prekur nga COVID-19.
