LIGJET E BIZNESIT
Ministrja e Financave, Anila Denaj, në një intervistë për A2 Business Week, theksoi se qeveria pret që kriza e koronavirusit të shkaktojë rreth 50 deri në 60 mijë të papunë në vend.
“Pas dy muajsh, kemi parashikuar 50 000-60 000 të papunë për këtë periudhë të mbylljes. Mund t’i përballojmë nga buxheti i shtetit. Nëse sektorë të caktuar të ekonomisë janë sot në ngërç dhe nuk janë më në ngërç pas dy muajsh, ka instrumenta që numri i të papunëve të mos rritet. Do të ketë riorganizim të sektorëve të ekonomisë. Ndërtimi mendojmë se do të ndihmojë në rritjen e punësimit. Kur situata të përmirësohet, mund të përshkallëzojmë kohën dhe buxhetin e të gjithë fondit të rindërtimit. Kjo do të kërkojë krah pune më pas dhe kryeministri ka thënë se pagat do të jenë”, tha Denaj.
Në lidhje me kërkesat e biznesit, Denaj u shpreh:
“Opinioni i përfaqësuesve të biznesit është i vlefshëm, por mendoj se bizneset, jo në 100%, mund të adresojnë nevojën për likuiditet me anë të instrumentit të garancisë”.
Kur iu vu në dukje se qeverisë i është kërkuar nga biznesi likuiditet jo në formën e kredisë dhe shtyrje e taksave, ministrja u shpreh:
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Ajo e biznesit është çështje shumë e rëndësishme, është parë në mbështetje të disa bizneseve me paga në mënyrë të drejtpërdrejtë. Është parë edhe në aspekt të mbështetjes me fondin e garancisë dhe me sektorin bankar për të shtyrë pagesat. Nevoja për ekonominë nuk adresohet nëse të ardhurat në buxhetin e shtetit do të jenë zero për shkak të shtyrjes së taksave”.A2CNN
