Presidenti Ilir Meta do të zhvillojë sërish online sot pasdite mbledhjen e Këshillit të Sigurisë Kombëtare, ku pjesë e bashkëbisedimit do të jenë dhe kryeministri Edi Rama së bashku me kryetarin e Partisë Demokratike Lulzim Basha.
Mësohet se aty do të diskutohet për paketën e dytë financiare në ndihmë të personave që kanë humbur punën si pasojë e situatës së krijuar nga koronavirusi.
Gjithashtu do të flitet dhe për problemin e papunësisë dhe masat e marra për të frenuar përhapjen e COVID19.
Sipas burimeve në fokus të bisedës do jetë dhe përshtatja e bizneseve me krizën që aktualisht ka krijuar kjo situatë në ekonomi.
Në fund të mbledhjes do të diskutohoet dhe riatdhesimi i shqiptarëve dhe sigurimi i atyre që janë këtu.
Presidenti Meta mbledh sot Këshillin e Sigurisë Kombëtare për herë të dytë brenda pak javësh.
