LIGJET E BIZNESIT
Miliona nxënës në mbarë botën i janë bashkuar mësimit online, pasi shtetet anembanë globit kanë vendosur kufizime masive dhe njerëzit janë izoluar në shtëpi.
Balla në një intervistë për Dritare.net ka thënë se ai e ka krijuar platformën para koronavirusit, për fëmijët e diasporës kryesisht, por ai në këtë kohë thotë se platformën e tij “Mësoshqip.net” e ofron falas për vendin tonë.
Çfarë është platforma mësoshqip.net
Platforma është një klasë virtuale, përmes së cilës mësuesi ka një regjistër ku mban mungesat e nxënësve, por edhe vlerësimin e tyre, ka të dhënat e lëndës, dhe gjithë kapitujt përkatës.
Nga ana tjetër, nxënësit, nëse futen në klasën virtuale, kanë edhe dërrasë të zezë, dhe mundësi që të zhvillojnë teste të shpejta, por edhe teste normale të cilat përgatiten nga mësuesi.
Gjithçka mund të bëhet me kamerë, ku nxënësit dhe mësuesit mund ta shikojnë njëri tjetrin, ndërsa numri i pjesëmarrësve është i pakufizuar, dhe nuk ka një limit kohor për orët e mësimit.
Stafi i Dritare.net e provoi platformën, duke bërë mbledhje online, dhe ishte e jashtëzakonshme, madje edhe intervista e mëposhtme është realizuar përmes kësaj platforme./ I.M-Dritare.net
