LIGJET E BIZNESIT
Ndarja nga jeta e ish-kampionit të boksit, Skënder Kurti pas disa ditësh betej me koronavirusin ka sjellë edhe reagimin e Presidentit Meta.
Ky i fundit i ka dedikuar një mesazh në rrjetet sociale, duke e cilësuar atë si një kampion që luftoi deri në minutën e fundit të jetës së tij.
Presidenti shkroi se figura e tij do të mbetet e respektuar dhe dashur gjithmonë, edhe pse për shkak të koronavirusit, atij nuk do mund t’I bëhen nderimet e fundit siç i meriton.
Postimi i Metës:
Me hidhërim të thellë mësova lajmin tragjik të ndarjes nga jeta të boksierit? dhe trajnerit të shquar të Ekipit Kombëtar??, njërit prej ikonave të sportit kryeqytetas, Skënder Kurti!
I admiruar nga të gjithë brezat e sportdashësve për rezultatet e tij në ring dhe pasionin e jashtëzakonshëm për sportin e dorezave, Ner Kurti gëzonte respektin e të gjithëve, veçanërisht të tironasve të mrekullueshëm që aq shumë e donin dhe i donte!
Edhe në këto ditë të vështira i madhi Ner Kurti luftoi fort, si një kampion që nuk dorëzohet lehtë!
I shpreh ngushëllimet më të sinqerta familjes Kurti, të afërmve, bashkëpunëtorëve e miqve të shumtë, në veçanti qytetarëve të Tiranës e tifozave të ngjyrave bardhë e blu⚪? për këtë humbje të pazëvendësueshme!
LAMTUMIRË KAMPION! ?
