LIGJET E BIZNESIT
Sipas rrjetit të transmetimit në Hong Kong, Kim Jong Un ka vdekur, ndërsa një revistë japonese ka shkruar se lideri i Koresë së Veriut është në gjendje “vegjetative” pas një operacioni të vështirë në zemër.
Zv.drejtori i televizionit Satelitor HKSTV Hong Kong, i mbështetur nga Pekini zyrtar ka cituar “një burim të fortë” i cili i ka konfirmuar vdekjen e Kim. Postimi i televizionit në aplikacionin Weibo është shpërndarë gjerësisht në rrjetet sociale pasi ka më shumë se 15 milionë ndjekës, ama deri tani edhe mediat ndërkombëtare e kanë marrë me rezerva këtë lajm.
New York Post shkruan se raporte të pakonfirmuara nga zyrtarë të lartë të Partisë në Pekin, bëjnë me dije se operacioni në zemër i Kim Jong Un ka shkuar keq pasi mjekut po “i dridheshin duart shumë keq”.
Ndërkohë, Daily Mail shkruan se vdekja e udhëheqësve të Koresë së Veriut zyrtarisht është raportuar gjithmonë dy ditë më vonë. Edhe Kim Jong-il, babai i Kim Jong-Un ka vdekur gjatë një udhëtimi në tren, nga një sulm në zemër por zyrtarisht vdekja është raportuar vetëm dy ditë më vonë.
Burimi: New York Post
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
