Deputeti Kujtim Gjuzi, i cili është dhe kryetar i Partisë Konservatore ka mohuar zërat që kanë qarkulluar së fundmi se ai mund të ishte prekur nga koronavirusi.
Ndërkohë në një video të regjistruar në makinë, Gjuzi ka zbuluar sekretin pse nuk e zë COVID19 dhe ka treguar ushqimin që konsumon.
“Kush mashtron dhe thotë që Kujtim Gjuzi është me koronavirus do përballet me drejtësinë kur ajo të funksionojë. Unë dhuroj gjak nuk kam bërë kurrë një injeksion jo më të më zëjë koronavirusi. Unë mbrohem me: në mëngjes 1 kg kos me mjaltë, cokollatë me arra dhe lajthi që mbron gjithë organizmin, në drekë përdor gjysëm kg domate, po ashtu pasdite përdor shegë, djath, meqënëse jam shëndoshur pak po përdor djathin e dhisë Konsultohem me këshilltarin tim androlog dhe obstetër Fadil Mustafa, kam edhe psikologë që rrinë pranë stafit të Partisë Konservatore. Ne do jemi në cdo skaj për të ndihmuar qytetarët kudo që janë”,– shprehet Gjuzi para kamerës.
