LIGJET E BIZNESIT
Një lajm i mirë vjen sërish sot nga spitali Infektiv.
Mësohet se një pacient 66-vjeçar i infektuar me koronavirus, është shëruar dhe ka lënë ambientet e spitalit.
Ai dëshmon përpara kameras, se ka lindur për herë të dytë pasi fillimisht ishte paraqitur në spital në gjendje të rëndë shëndetësore.
“Më duket sikur ka lindur për së dyti. Kam ardhur në gjendje shumë të rënduar këtu. Falë doktoreshë Najadës, unë sot do të kthehem në shtëpinë time dhe tek fëmijët e mi. Faleminderit shumë edhe stafit të efektivit këtu”, tregon pacienti nga Fieri, tashmë i shëruar.
Nga ana tjetër ministrja Manastirliu shkruan: “Kam rilindur për së dyti” – Dëshmia e Kastriotit, 66-vjeçarit nga Fieri që sot u kthye në shtëpi, pranë familjes, pas 21 ditësh të vështira në spitalin infektiv! Punë fantastike e stafit mjekësor, për trajtimin me sukses të 66-vjeçarit, i cili vuante nga diabeti, hipertensioni dhe me gjendje post infarkti të miokardit Sot Kastrioti është i shëruar #FORCA ekipi i Infektivit #JEMIMEJU”.
