Mjeku i njohur infeksionist Pëllumb Pipero në një lidhje direkte me “Ora News” ka deklaruar se këtë javë numrat e të infektuarve do të luhaten.
Më pas mjeku shtoi se javës tjetër e në vazhdim kurba do shkojë drejt rënies.
“Kur flas për kurbë e them në rang vendi dhe jo qyteti”, thekson Pipero.
Ndërkohë ka rikujtuar se qytetarët duhet të bëjnë kujdes në këtë kohë të vështirë dhe gjithashtu ka komentuar dhe situatën në Shkodër. Pipero shtoi se situata në Shkodër është më ndryshe.
“Nga informacionet që kam shumë lokale janë të hapura dhe pse duket sikur janë me qepena të mbyllur, ka njerëz brenda. Qytetarët nuk respektojnë si duhet qoftë vendimet e qeverisë dhe këshillat e mjekëve, fakti që rastet e shtuara janë në rrethe të ngushta familjare është relativisht qetësuese sepse po të kishte shumë vatra do të ishte shumë më e rëndë situata”-theksoi mjeku infeksionist.
