“Me modelin italian do kishim 15 mijë të prekur”/ Rama paralajmëron qytetarët për ditët në vazhdim kur do fillojë lirimi i masave

Kryeministri Edi Rama në një komunikim live me qytetarët në rrjetin social “Facebook” ka nënvizuar edhe njëherë rëndësinë e respektimit të masave të sigurisë, për të mos u kthyer sërish në fillim, apo për të mos u bërë akoma më keq.

Duke marrë shembull skenarin italian, Kreu i Qeverisë theksoi se nëse do kishim vepruar si Italia sot do kishim 15 mijë të prekur dhe rreth 2 mijë të vdekur.

Rama ka dhënë lajmin e mirë edhe për të gjithë ata që kanë ngecur në rrethe, apo ata që banojnë në rrethe dhe pandemia e Koronavirusit i ka lënë në Tiranë.

Kreu i Qeverisë njoftoi se të gjithë do të mund të kthehen në shtëpi pas 4 majit, pasi do të lirohet lëvizja ndërqytetase.

“Nga 4 maji do të lirojmë lëvizjen ndërqytetase, për të gjithë ata që kanë ngecur në qytete të ndryshme,”- tha Kryeministri Rama.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Deklarata:

“Po të marrim modelin italian do kishim 15 mijë të prekur dhe do na kishte sjellë 1995 të vdekur. E di që njeriu nuk ngushëllohet shumë me atë që nuk ndodh. Mund të ndodhë shumë më keq se mund të kishte ndodhur. Ky është fakt. Normaliteti i ri nuk do të jetë si ai që kishim përpara.

Akoma më e rëndësishme është se duhet të kemi një sjellje të re në raport me sigurinë dhe duhet t’i imponojmë njëri tjetrit të gjitha ato kushte për të mos u kthyer aty nga ku ne dolëm deri tani me shumë sukses.”