Pas seancës së fundit më 16 prill, e cila u mbajt nën masa të rrepta sigurie, mësohet se Kuvendi do të mblidhet sërish.

Urdhëri është firmosur ditën e sotme nga kryetari i parlamentit, Gramoz Ruci, dhe seanca është caktuar këtë të enjtë, më 23 prill.

Të gjithë deputetët janë njoftuar se kjo mbledhje do të shoqërohet me masa të rrepta, si pajisja e të gjithë pjesëmarrësve me maska dhe doreza, si dhe matja e temperaturës në sallën hyrëse, njëlloj si javën e kaluar.

Edhe në këtë seancë nuk do të lejohet pjesëmarrja e mediave në sallën e Kuvendit, por as në ambientet e jashtme të oborrit. Transmetimi do të bëhet me anë të regjisë së RTSH-së.

“Ju njoftoj se seanca plenare do të zhvillohet ditën e enjte, datën 23 prill, ora 10.00.  (Urdhër Nr 19. Dt 21.2020) i Kryetarit të Kuvendit, z. Gramoz Ruçi.)

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Procedurat e transmetimit do të jenë të njëjtat me ato të seancës së 16 prillit: makinat do të hyjnë dhe sinjalin do ta marrin nga RTSH. Ju lutem, kujdesuni që të jenë vetëm makinat që janë të akreditura. Kamera nuk do ketë, as në oborr, as gazetarët në sallë”, thuhet në njoftimin zyrtar të Kuvendit.