Kryedemokrati Lulzim Basha, lidhur me mbledhjen e Këshillit të Sigurisë Kombëtare deklaron se i ka kërkuar Kryeministrit Rama që të ndihmojë njerëzit në nevojë dhe bizneset. Resurset e qeverisë, thotë ai, duhet të shkojnë për të lehtësuar krizën dhe jo për sulme politike.
Deklarata e Bashës:
Në mbledhjen e KSK detajova arsyet, nevojën dhe përfitimet që kanë qytetarët nga rritja e testimeve, si dhe i kërkova qeverisë mbështetjen për familjet në nevojë dhe bizneset në këto kohë të vështira. Njerëzit duan garanci për jetën, shëndetin dhe mirëqenien e tyre. Ky është angazhimi im dhe i opozitës. Gjithë energjitë dhe resurset e qeverisë duhet të shkojnë për të lehtësuar krizën dhe jo për sulme politike, sepse sot shqiptarët e papunë dhe në vështirësi ekonomike, kanë nevojë për mbështetje të menjëhershme.
