Lufta ndaj koronavirusit në Shqipëri / Pëllumb Pipero jep lajmin e mirë: Ja çfarë do të ndodhë pas dy javësh

Nga dita e hënë, farmacitë, marketet dhe bankat do të qëndrojnë të hapura deri në orën 17:30. Kjo është masa e parë lehtësuese, e cila vjen si rezultat i uljes së ndjeshme të numrit të të infektuarve në javën e katërt të shpërthimit të koronavirusit në Shqipëri.

Kryeministri Edi Rama ka bërë me dije, gjithashtu se në javën e ardhshme, gjithmonë nëse kurba do të ketë këtë trend rënie, do të shihet mundësia për të zgjeruar edhe lëvizjen me makina private të kompanive që lejohen të qëndrojnë të hapura.

Mjeku Pëllumb Pipero tha se nuk beson se në Shqipëri do të kthehemi në hapa pas për të patur një mbyllje.

“Do të duhen dy javë që të shohim rezultate pas hapjes. Nuk besoj kurrë se do kthehemi pas, pasi qytetarët i dinë mirë masat dhe po i respektojnë, por edhe në spital kemi më shumë përgatitje se në fillim. Virusi tek ne ka qenë mjaft i butë”, shprehet Pipero.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern