“Lekët që i jep në mëngjes i merr në darkë”/ Ish-deputeti tregon shifrat: Ja pse do ju mbeten vetëm 2 mijë lekë fitim

Ish-deputeti i Partisë Demokratike, Agron Shehaj  me anë të një postimi në rrjetet sociale shkruan se paketa e qeverisë për t’u ardhur në ndihmë bizneseve është një mashtrim teksa ka treguar edhe përllogaritjet e tij.

Sipas tij, brenda datës 20 prill bizneset do duhet të paguajnë sigurimet shoqërore për periudhën janar-mars 2 4000 lekë. Shehaj argumenton se një pjesë e bizneseve do të marrin nga qeveria 26000 lekë, pagë lufte, nga e cila do ti mbetet në xhep vetëm 2 mijë lekë.

Postimi i plotë:

 “Çdo i vetëpunësuar në biznesin e vogël duhet të paguajë brenda datës 20 prill rreth 24000 lekë sigurime shoqërore për periudhën janar-mars. Një pjese të vogël prej tyre qeveria do ju japë 26000 leke ne muajin prill për pagën e luftës. Atyre do t’u mbeten vetëm 2 mijë lekë në xhep. Ata që nuk do marrin as “pagën e luftës”, duhet të paguajnë nga xhepi i tyre të gjithë shumën 24000 Lekë.

Paketa e qeverisë për të ndihmuar njerëzit dhe bizneset e vogla është një mashtrim: ato pak lekë që qeveria t’i jep në mëngjes, t’i merr në darkë. Madje shumicës së bizneseve qeveria nuk do t’u japë asgjë dhe do ja u marrë detyrimet fiskale njësoj si në kohë normale. Kjo është lojë e rrezikshme me jetët e njerëzve dhe me ekonominë e vendit”, bën me dije Shehaj.