LIGJET E BIZNESIT
Zelanda e Re është shteti që ka qenë vazhdimisht në vëmendje përsa i përket luftës kundër koronavirusit dhe masave të marra.
Së fundmi pas rrafshimit të kurbës, ky shtet thotë se ka ndërprerë transmetimin e COVID19 në komunitet, pasi të dielën u raportua vetëm një rast i ri.
Kryeministrja Jacinda Ardern ka deklaruar se virusi është eleminuar.
Që prej shpërthimit të COVID19 në këtë shtet u infektuan më pak se 1500 njerëz dhe vetëm 19 prej tyre humbën jetën, në popullsinë me 5 milionë banorë.
Por si arriti Zelanda e Re deri në këtë pikë?
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Disa ekspertë thonë se gjithçka lidhet me startin e hershëm. Ardern shpalli masat strikte të kufizimit që në mars- kur vetëm 100 njerëz ishin testuar pozitiv për virusin dhe askush nuk kishte vdekur.
Gjeografia e vendit po ashtu luan një rol në këtë sukses. Një vend relativisht i vogël, Zelanda e Re ka më shumë kontroll mbi kufijtë sesa vendet e mëdha me kufinj më të vështirë për t’u kontrolluar.
Por shumë ekspertë ia atribuojnë suksesin kryesor qartësisë së mesazhit nga qeveria. Ndryshe nga vendet që i kanë ‘shpallur luftë Covid-19’, mesazhi i qeverisë së Zelandës së Re ishte se vendi duhej të bashkohej.
Ata bënë thirrje për t’u bashkuar kundër Covid-19. Ardern vazhdimisht e quante vendin një ekip me 5 milionë lojtarë.
“Jacinda është një komunikuese brilante dhe një lidere empatike,” tha profesor Michaek Baker nga Universiteti i Otagos për BBC.
