Lajm i mirë/ Qyteti ku “shpërtheu” koronavirusi nuk ka më asnjë pacient të infektuar

E gjithë bota do ta mbajë mend gjatë qytetin Wuhan në Kinë, pasi aty nisi e gjithë zanafilla e shpërthimit të pandemisë së COVID19.

Por një lajm vjen së fundmi nga ky qytet.

Mësohet se nuk ka asnjë rast me koronavirus në spitale.

Ndërkohë të dhënat i kanë bërë të ditur zyrtarët e shëndetësisë në vend.

Sipas zëdhënësit të qeverisë kineze Mi Feng deklaroi se pacienti i fundit në gjendje të rëndë u kurua ditën e premte.

Ai konfirmoi gjithashtu se deri më tani nuk ka asnjë rast të ri me virus në qytet. Që prej shpërthimit të epidemisë në Dhjetor, Kina ka raportuar 82 816 raste dhe 4 632 viktima.

Vetëm në Wuhan u raportuan 46 452 raste, 56 për qind e infektimeve totale.