Lajm i hidhur për Trump, koronavirusi i merr jetën mikut të ngushtë të presidentit

Një lajm i hidhur vjen për presidentin e SHBA Donald Trump.

Miku i ngushtë i tij, Stanley I. Chera, i cili ishte në  gjendje kome dhe i sëmurë rëndë pasi u prek nga COVID19, është ndarë nga jeta në moshën 78 vjeçare.

Chera është një nga biznesmenët më të shquar në sektorin e pasurive të patundshme në Neë York.

Ai njihet edhe për miqësinë e tij me Trump, dhe ka dhënë donacione në fushatën e tij gjatë viteve 2016-2019, një total prej 402.800 dollarë.

Nga ana tjetër edhe Trump është shprehur mirënjohës ndaj njeriut të pushtetshëm dhe e ka konsideruar si një mik të dashur.

Në një tubim të vitit 2019 në Grand Rapids, Michigan, Trump e cilësoi Chera-n, si “një nga ndërtuesit më të mëdhenj dhe njerëzit më të rëndësishëm të pasurive të patundshme në botë”.

“Dhe ai është një djalë i shkëlqyeshëm dhe ai ka qenë me mua që në fillim,” tha Trump.

Trump muajin e kaluar foli për një mik i cili po luftonte me “ligësinë” e koronavirusit që po binte në gjendje kome.