Kur mund të kthehemi sërish në normalitet? Ja përgjigja e pyetjes që po mundon botën

Pas pandemisë së koronavirusit që ka pushtuar pjesën më të madhe të planetit, pyetja më e përhapur që po i mundon të gjithë është se kur do të mund të kthehemi në normalitet.

Ky fakt po përmendet më së shumti dhe në Itali, ku është shkaktuar numri më i madh i viktimave në Europë.

Mirëpo së fundmi duket se kurba po rrafshohet dhe ekspertët presin rënien.

Por pavarësisht shenjave pozitive, gjasat janë që vendi të mos kthehet në normalitet edhe për disa muaj të tjerë.

Epidemiologu Alessandro Vespignani, i cili drejton laboratorin e modelimit në universitetin “Northeastern” në Boston u shpreh se duhet të kemi durim dhe se vigjilenca duhet sa më e lartë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ai gjithashtu shton se rikthimi në normalitet edhe për botën duhet të mendohet nga qershori ose korriku.

“Kam parë qytete ku njerëzit po dalin në rrugë. Është e gabuar. Duhet të rezistojmë, shihni Kinën, atje izolimi zgjati tre muaj,” thotë ai.