Mjeku i njohur, Pëllumb Pipero ka dhënë një parashikim optimist sa i përket ccështjes se kur do të jetë kulmi i koronavirusit në Shqipëri.
Përmes një postimi në facebook, Pipero tha se në shanset më të mira, kjo gjë do të ndodhë javën që vjen.
Ai shpjegon edhe pse kurba në Shqipëri ka qenë e butë dhe nuk janë raportuar numrt dramatik si në disa vende të huaja, duke thënë se masat e qeverisë ka luajtur një rol vendimtar.
“E fillova kështu këtë postim nisur nga shqetësimi i Prof. E. Ruka për kurbën që tregon ecurinë e epidemisë në vendin tonë, duke e falenderuar profesorin e nderuar por dhe duke shpjeguar se nisur nga ecuria e COVID-19 në vendet e tjera edhe ne prisnim që kjo javë të mbyllej pak a shumë me këto numra, duke arritur sipas mendimit tim kulimin e saj, një kulm i butë ky falë masave të marra nga qeveria, në kohën e duhur sipas meje! Numrat janë relativisht të lartë pasi janë testuar në mënyrë “agresive” rastet e kontaktit të ngushtë, dhe në përgjithësi rezultojnë familjare. Ne presim pak a shumë të njëjtat numra dhe në javën që vjen, unë e kam quajtur shesh pushim, e mandej fillimin e rënies së kurbës. Por ka tre indikatorë të rëndësishëm në ecurinë e kësaj kurbe, së pari masat e mara nga qeveria kombinuar me këshillat tona, së dyti gjurmimi i rasteve të kontaktit dhe testimi i tyre, së treti qëndrimi i qytetarëve në shtëpi. Nëse njëri nga këto komponentë do kish çaluar kurba nuk do jetë ajo që presim, por ajo që shohim jo larg nesh, në Itali, Spanjë apo dhe më tej”, shkruan Pipero.
