Të afërmit e çiftit të moshuarve në Mirditë në një intervistë për Ora News kanë dhënë një tjetër variant të historisë, ndryshe nga ajo që tha kryeministri Rama se u infektuan me Covid-19 nga djali i tyre.
Dhëndri i kësaj familje, Gjon Caka shprehet se janë të moshuarit ata që infektuan djalin e tyre. Më tej ai i bën apel qeverisë që meqenëse të dyja palët janë të infektuara të lejojë djalin të shkojë pas prindërve pasi ata janë të vjetër dhe nuk mund ta përballojnë dot vetëm këtë situatë.
Deklarata e tij:
“Ku e dinte kryeministri se kush e kishte virusin. A e dinte ai se ndoshta e kanë pasur dy pleqtë dhe ja kanë dhënë atij. Djali sapo ka ardhur në Tiranë pas kthimit nga prindërit është sëmurur.
Bisedova me Rrëshenin, nuk është e keqe për arsye të vetë moshës që kanë. Kjo punë ka vazhduar për një javë resht dhe 127 nuk i është përgjigjur. Është dashur ndërhyrja ime nga Amerika dhe kanë shkuar i kanë bërë testin.
Ata duan një njeri pranë dhe unë bëj thirrje që ta lejojnë djalin të shkojë, ose ti marrin ti çojnë në spital.”
