LIGJET E BIZNESIT
Problematika që kriza e koronavirusit do të shkaktojë në sektorin e turizmit në Shqipëri është tema e sotme në emisionin “Opinion”. Në një lidhje direkte politologu Ermal Hasimja tha se megjithëse në mesin e krizës Shqipëria ka një avatazh në rajon në krahasim me vendet e tjera.
Ai tha se duke qenë se Shqipëria nuk është vendi më i shtrenjtë turistik i rajonit mund të tërheqë turistët europianë që kishin parashikuar të kalonin pushimet në vendet më të shtrenjta të rajonit. Por gjithësesi kjo sipas Hasimes kërkon që qeveria të veprojë me fushata marketingu.
“Qeveria duhet të bëjë kujdes të mos kalojmë në burokratizim me plotësim fomrularësh ose duam të kemi turizëm ose nuk do kemi. Shqipëria ka një oportunitet sepse nuk është në majë të zinxhirit ushqimor të turizmit. Në rajonini tonë Kroacia dhe Greqia mund ta vuajnë më shumë si vendet më të shtrenjta. Shqipëria ka shancin që ajo shtresë e mesme europain që do të ikte në Kroaci për të zhvilluar pushimet me 4 ose 5 mijë euro do të vijë në Shqipëri me 1 – 1,5 mijë euro. Ky është një oportunitet i madh. Kriza ka fuqi amplifikuese shkatërron ata që janë të dobët dhe forcon ata që janë të shkathët. Turizmi i këtij viti do të jetë i gjithi improvizim. Në verë kur të hapen kufijtë do të ketë njerëz që do të duan të dalin. Do duhet të jemi gati. Shqipëria këtë oportuniteti të cmimeve të ulëta duhet ta shoqërojë me një fushatë agresive marketingu”, tha Hasimja. /Opinion.al
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
