Të shtëna me armë zjarri janë regjistruar mbrëmjen e sotme në qytetin e Skraparit. Burime nga policia bëjnë të ditur se ngjarja në fjalë ka ndodhur në lagjjen “5 Shtatori”, ku shtetasi me inicialet H.H., rreth 57 vjeç ka qëlluar disa herë me në ajër me armë zjarri.
Po të njëjtat burime, bëjnë të ditur 57-vjeçari kishte probleme të shëndetit mendor.
Policia shkoi në vendngjarje, porn ë momentin që shtetasi H.H., ka parë punonjësit e Policisë, ka qëlluar në drejtim të tyre dhe më pas është mbyllur në banesë.
Njoftimi i policisë
Rreth orës 20:40, në Skrapar, në lagjjen”5 Shtatori”, në katin e parë të një pallati, shtetasi H. H., rreth 57 vjeç, me probleme të shëndetit mendor, ka qëlluar disa herë në ajër me armë zjarri. Në vendngjarje shkuan menjëherë shërbimet e Policisë dhe shtetasi H. H., kur i ka parë punonjësit e Policisë, ka qëlluar në drejtim të tyre dhe është mbyllur në banesë. Shërbimet e Policisë kanë marrë masa sigurie dhe kanë rrethuar pallatin, duke i bërë thirrje që të dorëzohet, por deri në këto momente ai nuk i është përgjigjur thirrjeve të Policisë. Në ndihmë të Policisë vendore janë nisur forcat e Ndërhyrjes së Shpejtë të Fierit dhe një grup i negociatave të Reneas.
