Krimi që tronditi Durrësin/ Artan Hoxha tregon çfarë gjetën hetuesit në telefonin e dy vëllezërve

Gazetari i njohur investigativ Artan Hoxha ka zbuluar të tjera detaje tronditëse lidhur me krimin që tronditi ditën e djeshme Durrësin, ku u vranë në mënyre mafioze dy vëllezërit Besmir dhe Viktor Haxhia.

Sipas Hoxhës, hetuesit kanë gjetur një mesazh në telefonin e viktimave, që mund të çojë direkt te autorët dhe shërben si indicia për zbardhjen e ngjarjes.

“Në Durrës janë 2 vëllezër, njëri nga ta është prind, janë djemtë e vetëm të shtëpisë, janë edhe 3 motra. U goditën në moshë të re. Te kjo pista e përgjimeve një element që ka dalë, është një mesazh që është kapur ne telefonate viktimave që janë duke u kontrollura. Ky mesazh dyshohet të jetë një indicie që mund të çojë direkt drejt autorëve”, tha Hoxha.

Më tej Hoxha thekson se autorët kanë qenë të përgatitur dhe i kanë vëzhguar dy vëllezërit, duke studiuar lëvizjet e tyre.

“Të dhënat tregojnë se autorëte janë përgatitur. Çdo atentat ka një kosto sepse janë mjetet që do të përdorësh, automjeti që ti djeg. Dikush është paguar për këtë.

Dje një nga elementët që po kërkohet te kamerat e sigurisë, është fakti nëse autorët kanë pasur edhe bashkëpunëtorë të tjerë. Edhe në rastin konkret meqenëse vëllezërit kanë qenë të izoluar, janë goditur pasi kanë dalë nga servisi. Atentatorët kanë pasur informacione të saktë për lëvizjet e tyre. Aty nuk ka shumë kamera sigurie. Janë sekuestruar më shumë se 8 kamera. Po kërkohet për drejtimet nga ka lëvizur automjeti. Në rastin konkret nuk është gjetur makinë e djegur. Kjo e bën më të vështirë”, u shpreh gazetari për Abc News.