“Krijoi një bombë biologjike në mes të Tiranës”/ Sali Berisha: Ja urdhri që ka dhënë Rama tek autoritetet shëndetësore

Ish-kryeministri Sali Berisha  në një lidhje të drejtpërdrejtë me “Ora News” ka sulmuar ashpër kryeministrin Edi Rama lidhur me menaxhimin e situatës si pasojë e Covid-19.

Berisha e akuzon Kreun e Qeverisë se ka dhënë urdhër tek autoritetet shëndetësore për të justifikuar mbajtjen e Kongresit të PS-së, duke krijuar një bombë biologjike në mes të Tiranës.

Fjala e Ish-Kryeministrit Berisha:

“Shqipëria me një akt kriminal fshehu rastet. Dje një nga trojka e komitetit famëkeq të mashtrimit. Silva Bino është zonja e rastit zero me 9 mars. Kisha njoftuar përmes qytetarëve dixhitalë disa raste, madje dhe vdekje në Korçë dhe vende të tjera nga Covid 19. Përgjigjja ishte vetëm një: Nuk ka asnjë rast. Kjo sepse duhej të  bëhej Kongresi i PS me çdo kusht, të krijohej bomba virale bilogjike e 3000 vetëve në Pallatin e Kongresit. Kongresi u quajt Kongresi i koronavirusit. Bombë virale biologjike bëhet salla, 3000 vetë puthu dhe fol në fytyrën e njëri-tjetrit ishte një nga aktet më kriminale të këtij pushteti. Dje bëri mea culpa por është me pasoja të rënda kjo. Ajo tha se është rasti zero për të shfajësuar Kongresin që krijoi Edi Rama, bombë biologjike në mes të Tiranës”.