Koronavirusi shkatërron ekonominë e Spanjës, 900 mijë persona mbeten të papunë

Pandemia e koronavirusit duket se po vepron pamëshirë në zonën e Europës.

Një nga shtetet më të goditura është dhe Spanja, e cila është prekur si për nga numri i viktimave ashtu edhe për nga pasojat e ekonomisë që do të lërë kjo situatë kaotike.

Së fundmi, mësohet se 900 mijë spanjollë kanë humbur vendin e tyre të punës, duke shënuar kështu një rekord negativ për muajin mars.

Bëhet fjalë për 3.5 milion të papunë, numër ky i regjistruar asnjëherë më parë për një muaj në historinë e Spanjës.

Gjithashtu janë marrë dhe masa për të shkurtuar oraret e punës dhe paketa fillestare e ndihmës ekonomike është 200 miliardë euro.

Ndërsa numri i viktimave nga COVID19 ka shkuar në 9,387 ndërsa të infektuar janë mbi 100 mijë.