Koronavirusi po përhapet me shpejtësi / Reagon ashpër Bamir Topi: Ju tregoj se çfarë fshihet pas situatës alarmante në Shkodër

Ish-presidenti i Shqipërisë Bamir Topi ka komentuar situatën alarmante të përhapjes së koronavirusit në qytetin e Shkodrës.

Ai thekson se gjithë këtë situatë e sollën përplasjet politike mes pushtetit qëndor dhe atij vendor.

Deklarata e Ish-Presidentit Topi:

“Totalisht e papranueshme. Në jetë gjithmonë ka një dominancë. Kur të vjen një rrezik i madh lihet pas dore një rrezik më i vogël. Të gjithë duhet të jenë rreth këtij dominanti. Historia pas pandemisë do të ketë pafund arsye për të debatuar, diskutuar, për të mbajtur përgjegjësi. Të gjitha forcat politike, të gjitha forcat e administratës qëndrore dhe lokale duhet të kordinohen. Kemi pafund mundësi për tu marrë me debate, e kemi në genin tonë, të krijojmë debat dhe aty ku nuk ekziston. Kjo situatë do ketë patjetër nevojë për analizë. E quaj fare të padrejtë nga cilido, nga cila anë që të ushqejë debate politike të cilat në vend që të krijojnë një situatë të adminstrueshme, krijojnë një panik më tepër. E shoh të njëjtën gjë dhe në Kosovë, totalisht e papranueshme. Në rast se interesat e politikanëve janë të lidhura me vazhdimësinë e pushtetit tregon që askush nga ata që e mendon të ardhmen në karrige pa përballuar sfidat e çastit nuk e meriton dhe nuk do ta meritonte më të kthehej për të administruar fatet e njerëzve”, tha Bamir Topi për Ora News.