Këtë të shtunë është raportuar numri më i lartë i rasteve të reja me koronavirus.
Sipas mjekut epidemiolog, Dritan Ulqinaku, këto shifra nuk duhet të na frikësojnë për aq kohë sa 70 përqind e kapaciteteve reanimatore janë të lira.
Deklarata e mjekut epidemiolog:
“Më tepër na ka mposhtur frika, jo sëmundja. Sot që flasim dhe 70 per qind e kapaciteteve reanimatore janë të lira. Pra, nuk mund të flitet për një epidemi në Shqipëri, kur spitalet janë bosh. Është frika që na ka mbërthyer. Në 35 rastet në ditë, 30 për qind janë asimptomatik, ne frikësohemi dhe i kthehemi qeverisë për të forcuar masat. Nuk kemi pse të frikësohemi, kur spitalet janë bosh.”
