Kjo e shtunë do të jetë tipike e një ditë prilli dhe nëse koronavirusi nuk do të ishte nëpër këmbë të gjithë do të kishin vërshuar drejt plazheve, apo pikave të ndryshme turistike.
Sipas MeteoAlb edhe ditën e sotme vendi ynë do të jetë në ndikimin e masave ajrore të qëndrueshme, të cilat do të diktojnë kthjellime në pjesën më të madhe të vendit deri në mesditë.
Por pasditja dhe mbrëmja sjellin kalime vranësirash nëpër territor, të cilat vetëm në zonat malore mund të kthehen në ndonjë shi sporadik.
Temperaturat e ajrit ulen në vlerat minimale por rriten në ato maksimale duke u luhatur nga 3°C deri në 27°C.
Era do fryjë e lehtë me shpejtësi 28 km/h nga drejtimi veriperëndimor duke krijuar në det dallgëzim 2 ballë.
