“Kjo ishte e tepërt!” ‘shpërthen’ Artan Hoxha: Po përdhoset kombi, dalin në ekran ata që kanë vrarë shqiptarët

Së fundmi gazetari i njohur investigativ Artan Hoxha ka bërë një deklaratë shumë të fortë.

Shkas për këtë u bë dalja në ekran e Fred Belerit në programin “Zonë e Lirë”, ku foli për masat e marra në kohën e pandemisë së koronavirusit.

Hoxha thekson se Beleri është një nga të akuzuarit për masakrën e Peshkëpisë, ku mbetën të vrarë  dëshmorët e Atdheut Fatmir Shehu dhe Arsen Gjini, dhe është e papranueshme që atij ti jepet kohë televizive në një televizion kombëtar. Sipas gazetrit kjo është një përdhosje që i bëhet dëshmorëve të atdheut.

Në fjalën e tij gazetari ironizon Ramën duke u drejtuar me fjalët “Qirie Lider Global”,  duke thënë se nuk ka këllqe të vendosë drejtësi, por ajo që duhet të bëjë është që tua kursejë këtë maskaradë familjarëve të dëshmorëve.

REAGIMI I PLOTE I GAZETARIT ARTAN HOXHA

Nuk kam fjale!!!

Herën e parë, para disa javesh, kur ndodhi e njëjta maskaradë,heshtëm

Me idene,se ishte thjesht nje ëndërr e keqe, një lapsus i momentit.

Por, kjo e sotmja, eshte e tepërt!

Edhe ultranacionalisti më i madh grek, as në ëndërrat e tij më të bukura, nuk do e fantazonte të kishte ne dispozicion, televizionin më të madh kombëtar në Shqiperi, madje në fashen e orarit më të ndjekur nga shikuesit, për të provokuar e diskredituar kombin shqiptar dhe shtetin shqiptar!!!

Qirje Lider Global!

-vazhdo, blloko me AKEP-in tënd adresa porno ne internet, ndërsa në ekranet kombëtare lejon te përdhoset kombi yt, dhe shteti yt, nga antishqiptarë qe i kane duart me gjakun e dy deshmoreve te atdheut (komandantit te Repartit Kufitar te Peshkepise, Fatmir Shehu dhe ushtarit, Arsen Gjini)

Mirë që, nuk ke këllqe të vendosësh drejtësi, për ngjarjen me te rëndë të cënimit te tërësisë territoriale te Republikes se Shqiperise, ne 30 vitet e fundit, por te pakten, kursejua këtë maskaradë,

prindërve, motrave, vellezerve, grave dhe sidomos femijëve të mbetur jetimë, të Deshmoreve të Atdheut.

P.S. Ndjesë familjeve të dy Deshmoreve te Atdheut, sepse nuk patem mundesi të qetësonim shpirtrat e tyre dhe pse kemi ndihmuar sa kemi mundur per te vendosur drejtesine, ne lidhje me masakrën e Peshkëpisë!