Keni probleme me shëndetin dhe doni të lëvizni? Rama ju udhëzon: Ja si duhet të aplikoni nga sot e tutje

Duke filluar nga sot do të ketë leje-dalje të dedikuar për qytetarët të cilët duan të dalin nga shtëpia për arsye shëndetësore.

Njoftimin e ka bërë të ditur përpara pak minutash kryeministri Edi Rama.

Ai njofton se tashmë të gjithë të interesuarit mund të aplikojnë online në platformën e-albania dhe të ndjekin procedurën sin ë video.

“Nga sot në www.e-albania.al edhe leje – daljet për arsye shëndetësore?

Kujdes! qytetari duhet të ketë me vete një dokument mjekësor për vizitën!

Qytetarin mund ta shoqërojë vetëm një person tjetër!

Autorizimi vlen vetëm për rrugën shtëpi-qendër shëndetësore-shtëpi

Ndiqni procedurën e thjeshtë në e-albania “, shkruan Rama.

Aplikimi do të kryhet përmes shërbimit ONLINE “Leje per dalje“ për arsye shëndetësore, në e-Albania

– Identifikohuni në portalin e-Albania përmes llogarisë tuaj
-Klikoni shërbimin “Leje për Dalje”
-Zgjidhni opsionin “Leje për arsye shëndetësore”;
-Shkruani saktë daten, orën e lëvizjes dhe itinerarin me destinacionin përkatës

Në rastet kur lëvizja për arsye shëndetësore do të bëhet me automjet:

-Nëse mjeti është në pronësinë tuaj, do t’ju shfaqet direkt në listë.
Nëse jo, ju mund të shtoni manualisht të dhënat e mjetit: Targën dhe numrin e shasisë së tij

Dhe shtypni “Dërgo” për të përfunduar aplikimin

Miratimi do të dërgohet në adresën e-mail dhe në numrin e telefonit të regjistruar në portal.

Kërkesa për leje për arsye shëndetësore bëhet vetëm në e-Albania

? Ata, që lëvizin pa lejen nga e-Albania dhe nuk zotërojnë dokument mjekësor për të justifikuar leje-daljen për arsye shëndetësore, kryejnë një shkelje që ndëshkohet në bazë të Aktit Normativ dhe masave të reja në Kodin Penal!