Një nga vendet e shërbimeve për qytetarët që u mbyllën të parat menjëherë pas pandemisë së koronavirusit, ishin dhe klinikat dentare.
Mirëpo nga ky fakt u ngrit më pas dhe një problem, pasi njerëzit nuk dinin ku të drejtoheshin në rast të ndonjë urgjence.
Në lidhje me këtë shqetësim, ka reaguar edhe ministrja e Shëndetësisë Ogerta Manastirliu.
Me anë të një njoftimi, ajo sqaron se të gjithë personat që kanë probleme me dhëmbet mund të shkojnë në Klinikën Stomatologjike universitare në QSUT.
Por sipas ministres kjo vlen vetëm për rastet urgjente.
“Klinika Stomatologjke Universitare në gatishmëri për urgjencat dentare. Më shumë se 500 urgjenca janë trajtuar në dy javët e fundit. #KSU qëndron e hapur vetëm për urgjencat stomatologjike Ju lutem respektoni rregullat e distancimit social, e vetmja armë që kemi në dorë kundër përhapjes së infeksionit #Respekt për stafet mjekësore në shërbim”, shkruan Manastirliu.
